ສ ເກົາຫຼີ ຖືກວິຈານທີ່ບໍ່ສາມາດປົກປ້ອງສິດທິເດັກຈາກເຫດເຂື່ອນແຕກໃນລາວ
ເກົາຫຼີໃຕ້ ໄດ້ຖືກວິຈານ ເນື່ອງຈາກບໍ່ສາມາດປົກປ້ອງສິດທິເດັກຈາກເຫດເຂື່ອນແຕກໃນລາວປີກາຍນີ້ ເຊິ່ງເຮັດໃຫ້ຫຼາຍສິບຊີວິດຕ້ອງສູນເສຍ. ອົງການສະຫະປະຊາຊາດ ແນະນຳໃຫ້ລາວ ກວດກາໂຄງການຕ່າງປະເທດຢ່າງໃກ້ຊິດ ເພື່ອປ້ອງກັນການລ່ວງລະເມີດສິດທິດັ່ງກ່າວທີ່ອາດເກີດຂຶ້ນ.
ຄະນະສົນທິສັນຍາສະຫະປະຊາຊາດວ່າດ້ວຍສິດທິເດັກ ກ່າວໃນວັນທີ 3 ຕຸລານີ້ວ່າ ປະເທດເກົາຫຼີໃຕ້ຄວນພິຈາລະນາວ່າ ບໍລິສັດ ຫຼື ອົງການຈັດຕັ້ງຂອງຕົນລ່ວງລະເມີດສິດທິເດັກໃນທ້ອງຖິ່ນຫຼືບໍ່ ເມື່ອມີການໄປລົງທຶນຢູ່ຕ່າງປະເທດ ຫຼື ດຳເນີນໂຄງການຮ່ວມມືເພື່ອການພັດທະນາສາກົນ, ແລະ ຄວນສ້າງລະບົບເພື່ອຮັບປະກັນວ່າເຈົ້າໜ້າມີຄວາມຮັບຜິດຊອບທີ່ດີຕໍ່ເຫດການທີ່ເຮັດໃຫ້ເກີດຄວາມເສຍຫາຍ.
